 |
Na,Thompson Mpanji,Iringa. WITO umetolewa kwa vyombo vya habari nchini kukitumia kipindi kilichobaki hadi siku ya sensa kuongeza kasi ya utangazaji wa taarifa ya sensa kwa kupeleka ujumbe sahihi kwa wananchi ikiwemo na kusisitiza kauli mbiu ya taifa kuwa, "Sensa kwa maendeleo,jiandae kuhesabiwa".
Mkuu wa Mkoa wa Iringa,Dkt.Christina
Ishengoma ametoa wito huo wakati wa ufunguzi wa semina ya sensa kwa waandishi
wa habari wa mikoa ya kanda ya nyanda za juu kusini na mikoa ya Lindi na Mtwara
yaliyomalizika jana(Agosti,12) katika ukumbi wa Chuo kikuu cha Ruaha(RUCO).
Dkt.Ishengoma alisema licha ya kauli
mbiu wanahabari wanashauriwa kuwaeleza wananchi vidokezo muhimu kuhusu
umuhimu wa zoezi zima la sensa ili waweze kujiandaa vema.
|
 |
 |
Alitaja vidokezo muhimu ni pamoja na
siku ya kuanza kufanyika zoezi la sena agosti,26,2012 ambapo watakaohesabiwa ni
waatanzania watakaokuwa nchni Tanzania usiku wa jumamosi agosti,25 kuamkia
agosti,26,2012.
Alifafanua kuwa watu
watakaohesabiwa katika kaya ni wale watakaokuwa wamelala katika kaya
usiku wa kuamkia siku ya sensa pamoja na wanakaya wanaofanyakazi za
usiku ambao kwa usiku huo hawakulala kwenye kaya wakiwemo watumishi wa
sekta ya afya,ulinzi na usalama sanjari na sekta ya habari.
Mkuu huyo wa Mkoa ametoa msisitizo
kwa wakuu wa kaya kuweka kumbukumbu sahihi za watu wake wote zikiwemo za
umri,kiwango cha elimu,ajira anayofanya,mahali anaposhinda mwanakaya
wakati wa mchana na kwa wanawake hali zo za uzazi.
|
Post a Comment