Fasihi (WAADHI MWEMA)

Kama mjali, wa taa, maisha yalivyo,
Ni muhali, kukaa, vivyo ulivyo,
Kwa kila uwakavyo, huisha vivyo.

Maisha kama tambara, bovu, liishavyo,
Hayahitaji papara,na nguvu isivyo,
Kadri uishivyo, ndivyo yaishavyo.

Uishi vyema, na watu,kadri ilivyo,
Uwe mwema,kwa utu, daima ndivyo,
Ya dunia ndivyo, maisha yalivyo.

Uwe na njema, tabia, uendavyo,
Ichunge huruma,zingatia, uwezavyo,
Ya akhera ma'ndazi, wako ujuvyo.

Ibada kwako, ni hima, si ya upuuzo,
Kuikosa mwiko, lazima, marejelezo,
Zingatia makatazo, ya Karima.

Kwa magego, ukamate, iwe zingatio,
Siupe mgongo, ujute na muishio,
Hapa malizio, kwa waadhi huno.

WAKATABAHU.