 |
| Mwenyekiti wa Taifa wa CHADEMA Freeman Mbowe akkihutubia wakazi wa Jiji la Mbeya na vitongoji vyake hivi karibuni |
 |
| Baadhi ya vijana wa vikosi vya Ulinzi na Usalama wa CHADEMA(Red Brigade)wapatao 360 wakila kiapo cha utii mbele ya Mwenyekiti wa Taifa wa CHADEMA Freeman Mbowe katika ofisi ya kanda ya chama hicho Jijini Mbeya mwishoni mwa wiki. |
CHAMA cha Demokrasia na Maendeleo (CHADEMA) kimesema kuwa uzinduzi
wa zoezi la upigaji kura unaofanyika mjini Makambako mkoani Njombe ni kiini
macho cha kuwadanganya wananchi kuwa tunaelekea kwenye uchaguzi wa haki na sawa
ifikapo Oktoba 31 mwaka huu.
Kauli hiyo imetolewa na Mwenyekiti wa Taifa wa CHADEMA Freeman
Mbowe alipokuwa akizungumza na Wajumbe wa Baraza la uongozi la chama hicho
kanda ya nyanda za juu kusini kwenye ukumbi wa Hotel ya Diamond iliyopo Sae
Jijini Mbeya jana.
Mbowe alisema kuwa mchakato mzima wa uandikishaji na zoezi la
uandikishaji wapiga kura umekuwa na usiri mkubwa kati ya Tume ya Taifa ya
Uchaguzi na Chama tawala ilhali viongozi wakuu wa vyama vingine vya siasa
hawajui kinachoendelea.
''Mimi ni kiongozi wa CHADEMA sijiu chochote kinachoendelea juu
uandikishaji wapiga kura, tukumbuke zimebaki siku chache kuelekea uchaguzi
Mkuu, kalenda ya uchaguzi mkuu inafahamika kikatiba, lakini kumekuwa na
ukiritimba mkubwa unaofanywa na Tume ya Uchaguzi''alisema.
Alifafanua kuwa yeye amealikwa dakika za mwisho kuhudhuria
uzinduzi wa Kitaifa wa uandikishaji wapiga kura mjini Makambako na kuwa
utaratibu mzima unaofanywa hauna tija kwa walengwa kwani zoezi hilo litafanyika
kwenye kata 9 za mji huo badala ya jimbo zima au mkoa kwa ujumla.
''Huu ni uharibifu wa fedha za wananchi, uzinduzi unafanywa kwa
kata 9 pekee za mjini Makambako,badala ya kufanyika jimbo zima, kuna kitu
kinafichwa hapa haiwezekani zoezi hili lifanyike kwa kata chache huku mahitaji
ni wananchi wote wajiandikishe katika daftari la kudumu la wapiga kura
nchini,''alifafanua.
Alisema kuwa seriikali ilimuomba mtaalamu mwelekezi wa masuala ya
uandikishaji wapiga kura kutoka nchini Marekani Darrel Geusez ambaye
alitakiwa kusaidia uandaaji wa mfumo wa kielekroniki ''Biometrict Voters Registration''
(BVR).
Mbowe alisema Mtaalamu huyo baada ya kufanya utafiti wake alitoa
majibu ya kuwa haitowezekana kwa daftari hilo kuboreshwa na kukamilika kwa
kipindi kifupi kuelekea uchaguzi mkuu wa Oktoba na kwamba maandalizi ya mfumo
huo yanatakiwa kuchukua mwaka mzima ili uandikishaji uende kwa taratibu
zinazostahili.
''Kutokana na hili ni vigumu kuingia katika uchaguzi bila kuwepo
kwa uchakachuzi,nimealikwa kuhudhuria uzinduzi huu, niambieni ndugu zangu
niende au nisiende,''alihoji Mbowe mbele ya wajumbe wa Baraza la Uongozi wa
Kanda wa chama hicho.
Baada ya kuhoji umati wa wajumbe wa mkutano huo kutoka mikoa ya
Rukwa, Mbeya, Iringa, Njombe na Ruvuma walipaaza sauti hewani kwa kusema,
''Usiendeee!!!, Mbowe aliwahoji mara tatu wajumbe hao na kujibiwa hivyo
hivyo ndipo alipotoa kauli kuwa yeye hawezi kushiriki uzinduzi huo.
''Siwezi kushiriki uzinduzi huo, nikishiriki nitakuwa nimebarikli
uchakachuaji huu, nitakuwa nimeshiriki kuhujumu Watanzania, siwezi
kwenda,''alisisitiza Mbowe huku akishangiliwa na wajumbe hao.
Awali Mbowe akizungumza na vikosi vya ulinzi vya chama hicho Red
Brigedi alisema kuwa vikundi hivyo vya chama tofauti na vile vya chama cha
Mapinduzi vinalenga kuwafundisha uzalendo,ujasiriamali,maadili na kusimamia
uchaguzi ifikapo Oktoba 31.
''Nataka watambue kuwa CHADEMA ni chama cha siasa wala si jeshi,
sisi tunafanya mambo yetu hadharani lakini wenzetu wanafanya kwa kificho,
wanafanya mafunzo ya kijeshi na kufanya vurugu kwenye uchaguzi mkuu, nendeni
mkaoneshe nidhamu ya chama bila kujali itikadi,''alisema.
Post a Comment