 |
| Katibu wa Itikadi na Uenezi wa CCM Nape Nnauye akizungumza na waandishi wa habari katika ofisi ya CCM mkoa iliyopo Sokomatola Jijini Mbeya. |
 |
| Nape Nnauye |
 |
| Ni kama vile anasema ''CHADEMA wasitafute mchawi wanakumbatia ukanda udini na ukabila hili litawagharimu'' |
 |
| Baadhi ya waandishi wa HABARI wakiwa katika kikao na Katibu wa Itikadi na Uenezi wa CCM Nape Nnauye katika ukumbi wa ofisi za mkoa za chama hicho Sokomatola Jijini Mbeya. |
 |
| Nape Nnauye akiwa na Katibu wa Mkoa wa CCM Maganga Sengelema(kulia) na Meya wa Jiji la Mbeya Athanas Kapunga(wa pili kutoka kulia) |
Na Rashid Mkwinda
CHAMA
cha Mapinduzi CCM kimesema kuwa CHADEMA hakipaswi kuwatafuta wachawi kutokana
na mgogoro ulioibuka hivi karibuni wa kufukuzana uongozi bali wanapaswa
kuangalia tatizo walilonalo la kukumbatia udini, ukabila na ukanda.
Akizungumza
na waandishi wa habari Jijini Mbeya leo asubuhi Katibu wa Itikadi na Uenezi wa
CCM Nape Nnauye amesema kuwa chama hicho kilijisahau mara baada ya kimeanza
kupata umaarufu kwa kuanza kuwabeza baadhi ya wanachama wao kwa kuwagawanya kwa
makundi kutokana na itikadi zao za dini, ukabila na ukanda.
Amedai
kuwa chama hicho kimekuwa kikikumbatia baadhi ya watu wa kabila fulani na
kuwatenga watu wasio kuwa wa kabila hilo na hivyo kuendelea kuibua migogoro na
kufukuzana uongozi na uanachama jambo ambalo amedai kuwa linadhoofisha
demokrasia ndani ya vyama vya upinzani.
Amesema
hakuna chama cha kisiasa ambach hakina migogoro na kwamba migogoro inayokuwepo
ndani ya chama tawala inamalizwa kwa njia za busara tofauti na ilivyo kwa
CHADEMA ambao badala ya kuketi chini kumaliza tofauti zao kwa njia za
mazungumzo wanafukuzana uanachama na kutumia gharama kubwa kuzunguka nchi nzima
kumuelezea mtu mmoja.
‘’Hili
jambo litakigharimu chama hiki, itafika mahala upinzani utakufa jambo
ambalo sisi ‘’CCM’’ hatupendi litokee, unaona sasa, wanatumia gharama
kubwa kuzunguka nchi nzima kwa ajili ya kummaliza ZITTO badala ya kuimarisha
chama,’’amesema.
Nape
ameendeleza madai yake kuwa moja ya chuki wanazopandikiza zinazoashiria udini
ni kitendo cha maandamano ya CHADEMA kutengeneza jeneza lenye msalaba wakiwa na
maana kuwa wanamzika Zitto Kabwe jambo ambalo linatafsiri kejeli dhidi ya mtu
na dini yake.
Amefafanua
kuwa migogoro ndani ya vyama haikosekani na kuwa hata ndani ya CCM kuna
migogoro ambayo inamalizwa kwa busara na kwamba iwapo CCM ingekuwa ina desturi
ya kufukuza vijana machachari hata yeye ‘’NAPE’’ angefukuzwa siku nyingi kwa
kuwa alikuwa ni mkorofi ndani ya chama.
Amesema
kuwa vyama vya siasa vinapaswa kujenga tabia za kuvumiliana ili kuimarisha
demokrasia na kwamba vijana wanaojitokeza kuwania nafasi za uongozi ndani ya
vyama hawapaswi kuzibwa midomo kama ilivyofanyika CHADEMA kutokana na Zitto
kuweka bayana nia ya kuwania Uenyekiti.
Ammesema
matatizo yanayovikumba vyama hivyo ni uroho wa madaraka na kwamba kila
wanapofikia katika mafanikio wanaanza kubaguana na kutimuana jambo ambalo
linavifanya vyama hivyo kuwa na safari ndefu kuelekea katika demokrasia ya
kweli ndani ya vyama vyao.
Ametolea
mfano katika vyama vya NCCR-Mageuzi na CUF ambavyo baada ya kuonekana vina
nguvu viongozi wa juu wakaanza kuwatenga na hata kuwajengea mizengwe ya
kuwatimua wenzao akina Mabere Marando (NCCR Mageuzi) na Hamad Rashid (CUF) na
kwamba wimbi hilo limeingia CHADEMA kwa sasa.
Nape
yupo mkoani Mbeya katika maandalizi ya sherehe za kuadhimisha miaka 37 ya
kuzaliwa chama hicho ambayo yanatarajiwa kufanyika Kitaifa Mkoani Mbeya
Februari 2 na kuhudhuriwa na Mwenyekiti wa CCM Taifa Rais Jakaya Kikwete.
Post a Comment