MKURUGENZI WA NDENJELA ATOA SOMO KWA WANATAJATI

                                                                                                                                                                                                                                                                                                                                                                                                                                                                                     

MWENYEKITI wa

Kamati ya  Usalama Barabarani

Mkoa wa Mbeya,Allan

Mwaigaga(Mwaji) amesema kuwa kazi kubwa iliyofanywa na Rais

John Magufuli

katika kipindi cha siku 100 alizokaa madarakani zimewaumbua

wakwepa kodi

wakubwa na wananchi waliokuwa wakiishi maisha

bandia.

Mwaigaga

anayemiliki Kampuni ya Mwaji Group alisema

juzi jioni alipotembelea  Makao

Makuu ya

Ofisi ya Waandishi wa Habari za Utalii na Uwekezaji Tanzania

(TAJATI) zilizopo

jijini Mbeya muda mfupi akitokea jijini Dar es

salaam.

Akizungumza na

Waandishi hao alisema kuwa ameamua

kutumia fursa hiyo kuwaomba watanzania waliokuwa wakifanya

biashara zao

kiujanja ujanja na kukwepa kulipa kodi kwa makusudi kuwa

sasa ni muda wao wa

kutubu ili uchumi wan chi uweze kupaa. 

“Kama tulifanya

kosa la kukwepa kulipa kodi ambazo

ndizo zinazotegemewa na serikali kuboresha huduma za

kijamii,basi wote

tutubu,tumuombe Mungu atusamehe kwa kufanya kosa hilo  baya na ndio lililoifanya nchi yetu

iendelee

kuwa masikini” alisema Mwaji. 

Kuwa ili uchumi

wa nchi uweze kuendelea  kwa kasi

ni wajibu wa kila mwananchi asimame

kidete na kuunga mkono jitihada za Rais wa awamu ya tano

zinazofanywa na

Magufuli ili kuhakikisha kuwa heshima ya nchi iliyotoweka

katika usimamizi wa

fedha za umma inarudi. 

Alisema kuwa nchi

zilizoendelea zinawashangaa

watanzania walioshiriki kuua uchumi wao na kukimbilia kuomba

misaada nje  wakati kazi kubwa

iliyofanywa na muasisi wa

Taifa hili,Baba wa Taifa,Julius Nyerere(Hayati) kujenga kila

kitu lakini ni

watanzania wenyewe ndio walioua uchumi

wao.

Alihoji idadi ya

viwanda vilivyokufa,mashirika ya umma

na kampuni zilizohujumiwa na kufa,mashamba makubwa ya

umma,miundombinu ya reli

na kudai kwamba kama angeruhusiwa yupo tayari na wadau

wenzake kumiliki Reli ya

Tazara na kuwaondoa wote waliohusika ili kazi ianze

upya.

“Kati ya siku

80 nilizokaa Dar es salaam katika

kipindi cha siku 100 za Rais Magufuli watu waliokuwa wapiga

mizinga jijini Dar

es salaam sasa hawapo na hawaonekani kwenye mabaa na kumbi

za starehe,sasa

hawana kitu hata magari wanayomiliki watauza,subirini

kununua gari kwa milioni

mbili” alisema Mwaji. 

Alisema kuwa

watanzania wengi waliojipatia fedha kwa

njia haramu kufanya biashara chafu na kushindwa kulipa kodi

waliamua kuishi

maisha bandia ili waonekane tofauti na wananchi wengine

ambao hawana kitu ndipo

hapo nchi ilipofikishwa ikiwa haina

nidhamu. 

Akizungumzia

sekta ya Utalii na Uwekezaji katika mikoa

ya kanda ya nyanda za juu kusini,Mwaji ambaye anajipambanua

kuwa ni

Mjasiriamali wa kati aliwashauri 

Wana

TAJATI kuhakikisha kuwa wanatumia vyema taaluma yao ya

habari ili kuisaidia

serikali iweze kufikia malengo yake ya kukuza uchumi katika

mikoa hiyo. 

Alisema sekta ya

utalii imepewa kipaumbele zaidi

kwenye mikoa ya Kaskazini tofauti na mikoa ya kusini,hivyo

ni jukumu la chama

hicho kutoa elimu ya kutosha kwa wananchi na hiyo ni kazi ya

wanahabari

kutangaza utalii na kushiriki kwa vitendo kuibua na

kutembelea hifadhi zilizopo

kuliko kusubiri watalii kutoka 

nje ya

nchi. 

Kwa upande wa

sekta ya barabara na miundombinu

yake,Mwenyekiti huyo wa Usalama barabarani mkoa wa

Mbeya,alisema kuwa serikali

ina changamoto kubwa ya kuboresha barabara kuu inayotoka

Uwanja wa ndege wa

Songwe hadi eneo la Uyole umbali wa kilometa

40. 

“Barabara

kutoka uwanja wa ndege wa Songwe hadi jijini

Mbeya isipopanuliwa mapema ni shida,nimeshuka uwanja wa

ndege,kabla sijafika

Mwanjelwa ndege tuliyopanda inatua Dar,zaidi ya masaa mawili

tulikuwa kwenye

foleni,magari ni mengi na barabara kuu ni moja” alisema

Mwaji.

 Alisema

anaamini kasi inayoonyeshwa na Rais Magufuli ienee nchi

nzima kwa kuwa fedha

zaidi ya Sh bilioni 4 alizozizuia kwa ajili ya sherehe za

uhuru zimefanya kazi

kubwa ya ujenzi wa barabara ya Mwenge jijini Dar es salaam

na kwamba anapaswa

kuutupia macho uwanja wa Songwe wenye uwezo wa ndege kubwa

kutua na kupungua

kwa nauli .