 |
| Mbunge wa Viti Maalum Mkoa wa Mbeya Hilda Ngoye akiwa katika picha na wanafunzi wa shule ya Sekondari Chalangwa wilayani Chunya |
 |
| Wanafunzi wa kike wa shule ya Sekondari Chalangwa wilayani Chunya. |
WANAFUNZI wa
kike wa shule za Sekondari mkoani Mbeya wametakiwa kutokubali zawadi za
‘’Chipsi Kuku na Soda’’ kutoka kwa watu wasiowafahamu kwa kuwa zawadi hizo
zimelenga kuwaharibia maisha na masomo yao.
Tahadhari
hiyo imetolewa na Mbunge wa Viti Maalumu Mkoa wa Mbeya Hilda Ngoye katika ziara
yake ya wilaya za Chunya, Momba, Mbozi,Mbeya na Mbarali akitathmini maendeleo
ya akina mama na watoto kwenye shughuli za ujasiriamali.
Mbunge huyo
alisema kuwa akina mama ndiyo walezi wakuu wa familia hivyo wanapaswa kutumia
nafasi waliyonayo kusimamia watoto wa kike ambao wamekuwa wakipata majaribu
katika kipindi chao cha ujana na kusababisha kudanganywa na kupata ujauzito kwa
zawadi za Chipsi Kuku na Soda.
‘’Akina mama
mkisimamia vyema familia matatizo ya mimba mashuleni yatatoweka, wanafunzi
wanadanganywa, msikubali zawadi za Chipsi Kuku na Soda, mtaharibikiwa,’’alisema
huku akielekeza macho yake kwa wanafunzi wa shule ya Sekondari Chalangwa
iliyopo wilayani Chunya.
Alisisitiza
kuwa tatizo la mimba mashuleni limekuwa ni kikwazo kikubwa cha maendeleo ya
watoto wa kike jambo ambalo likisimamiwa vyema kwa ushirikiano wa wazazi,
walimu na wanafunzi linaweza kutoweka.
Aidha
aliwataka wanafunzi hao kuwa na wivu wa maendeleo ya kimasomo na kutokubali
vishawishi vitakavyosababisha wao kushindwa katika masomo.
Awali
akielezea matatizo yaliyopo kwa wanafunzi wa shule ya sekondari ya Chalangwa,
Makamu Mkuu wa Shule hiyo Morris Mbwilo
alisema kuwa kwa kipindi cha mwaka 2013-14 jumla ya watoto saba wa wameishia njiani
kwa kupata ujauzito.
Alisema kuwa
mwaka 2013 jumla ya watoto watano walipata ujauzito shuleni na kushindwa
kuendelea na masomo ambapo pia hadi kufikia mwezi Juni mwaka huu watoto wawili
wameshindwa kuendelea na masomo kutokana na ujauzito.
Post a Comment